Vidunderlege Vera

I den vesle bygda Vrangdal sit Vera i billettluka i den lokale svømmehallen og håper at nokon i kommuneadministrasjonen skal døy. Eller gå av med pensjon. Gjerne det siste. Ho er ikkje vondskapsfull, berre desperat. Det er ikkje ein spesiell tilsett ho vil til livs, det kan være kven som helst, så lenge det vert ei stilling ledig.

For har ikkje ho høgare utdanning, kanskje? Og er ho ikkje både modig og handlekraftig så det held? Ei kvinne som ler høgt og slår seg på låra. Jo! Det hadde ho heilt gløymt.